Nur no 1 Tag bis zu miner Abreis. S'aktuelle Wätter macht's eifacher, de Schwiiz de Rücke zuez'chehre (chalt, nass, grau, gruusig).
Mittlerwiile lieged die meischte Sache parat im Zimmer, doch öb das au wörklech im Rucksack Platz het..?
Mini letscht Woche ide Schwiiz:
Mäntig, 9. Nov 2009: Persönlechi Übergaab vode Bewärbig als Sachbearbeiter Administration bem Kanton (Abteilig Militär und Bevölkerigsschutz). Am Obe TV und aaschlüssend Abschied vom Turnverein ide Cactus Bar. :o)
Ziischtg, 10. Nov 2009: Iiladig zum Vorschtelligsgschprööch am Donnschtig bim Kanton durch Oberscht Stäuble. 2 Spiel vode Unihockey-Chreismeischterschaft in Aueschtei. Leider ned die gewohnti Leischtig chönne erbringe (4:5 verlore und 6:6 unentschiede (ebefalls verlore)). Abschied vo Turnverein/Daameriege im Cactus.
Mittwoch, 11. Nov 2009: Abschiedsfeschtli (Spaghetti) mit de Wonabis, Anja & Andy, Fiona und Martina. VIELE, VIELE DANK FÜR GLÖCKWÜNSCH, MUSIG, SCHOGGI, KAUGUMMIS UND WII.
Feschtli-Unterschtötzig:
Anja & Andy: Salat & Chuchi
Martina: Orange-Chueche
Miri: Fruchtsalat
Raphi: Chuchi
MERSSIII!!
Donnschtig, 12. Nov 2009: Happy birthday Sabine (Ackle). Uuslehne vo Tramper-Rucksack (min Rucksack het halt ebe doch z’wenig Platz) und Batterie-unabhängiger Taschelampe. Danke für d’Hilf, Margrit. Am Nachmittag folgt s’Vorschtelligsgschprööch und denn de Bsuech bi de Grosseltere, bevor ich de letscht Obe ide Schwiiz zäme mit de Fabi und de Beli wird gnüsse.
…und die ganzi Ziit das Gfüehl: Was hani vergässe…?
Abonnieren
Kommentare zum Post (Atom)
Hey mäsi ich wis besch jetst grad onderwäx aber i hoffe das wennt de das lesisch guet bi de gastfamilie a choo besch ond t reis oni schäde öberstande hesch. denn hoffi das dis gepäck ned verlohre händ. wenn das alles ned ve vall esch denn wönsch ich der en schöne ufenthalt ond gnüsses.
AntwortenLöschenGruess Renato
P.S chsch i de istellige no ändere dasmer ohni es eignigskonto z besetze chan kommentär abgee. denn schriibe der vell mee!!